د بادغیس ولایت د عدلیې ریاست اداري ناسته جوړیدل
د بادغیس ولایت د عدلیې ریاست اداري ناسته، د روژې د مياشتې په ۱۲مه نېټه د یکشنبې په ورځ، د یاد ولایت د عدلیې رئیس مولوي عبدالرازق مرزوقی او د دغه رياست د آمرینو او کارکوونکو په ګډون جوړه شوه.
په دې ناسته کې، د بادغیس ولایت د عدلیې رئیس کارکوونکو ته د خپلو مسؤولیتونو د ترسره کولو، وخت او حاضرۍ ته په پابندي کولو، د اخلاص درلودلو، د کارکوونکو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
په دې ناسته کې د یاد ریاست آمرینو او کارکوونکو هم خپلې ستونزې او د کاري چارو ښه والي په منظور وړاندیزونه مطرح کړل.
