د بادغیس ولایت آبکمري ولسوالۍ ته د یاد ولایت د ځمکو د غصب د مخنیوي د تخنیکي هیئت سفر
د بادغیس ولایت د ځمکو د غصب د مخنیوي تخنیکي هیئت د ذوالحجې د میاشتې په ۱۸ نېټه د پنجشنې په ورځ آبکمري ولسوالۍ ته ولاړ او د یادې ولسوالۍ د بند شرم عامه څړځای د بررسۍ، تثبیت او تشخیص په برخه کې اجراآت ترسره کړل.
هیئت د دوو اشخاصو تر دعوا لاندې ځمکه او د دریو قومونو تر شخړې لاندې د سینه سوختګک عامه څړځای ځینې برخې بررسي کړې او د قومونو له مشرانو او د ساحو له اوسیدونکو سره یې وکتل.
یو شمېر قومونو پر یادو ځمکو د ملکیت ادعا درلودله چې له هغوی څخه شرعي سندونه وغوښتل شول. دغه راز یادې ساحې جي پي اس شوې.
