د بادغیس د عدلیې ریاست، استیناف محکمې ریاست او مدافع وکیلانو ترمنځ د همغږۍ ناسته جوړېدل
د بادغیس ولایت د عدلیې ریاست، د استیناف محکمې ریاست او د یاد ولایت د مدافع وکیلانو ترمنځ د همغږۍ ناسته د شوال د مياشتې په ۲۵ مه نېټه د شنبې په ورځ د بادغیس ولایت د استیناف محکمې په مقر کې جوړه شوه.
د همغږۍ په ياده ناسته کې د بادغیس ولایت د استیناف محکمې رئيس د مدافع وکيلانو د کړنلارې په اړه معلومات وړاندې کړل او مدافع وکيلانو ته یې لازمې توصیې او لارښوونې وکړې.
په دغې ناسته کې، د بادغیس ولایت مدافع وکیلانو هم خپلې ستونزې او وړاندیزونه مطرح کړل چې د عدلیې او محکمې رياستونو، په دې هکله د هر ډول همکارۍ ډاډ ورکړ.
