د امربالمعروف او نهی عن المنکر وزارت پلاوي له عدلیې وزارت څخه لیدنه وکړه
د مولوي رازمحمد په مشرۍ د اسلامي امارت د امر بالمعروف او نهی عن المنکر وزارت یوه پلاوي، د ۱۴۰۰ د کب په ۲۹ مه د یکشنبې په ورځ له عدلیې وزارت څخه لیدنه وکړه.
دغه پلاوي د عدلیې وزارت څخه د لیدنې په ترڅ کې د عدلیې وزارت له سرپرست او مالي او اداري رئیس مفتي فضل هادي صاحب زاده سره ولیدل او د بېلا بېلو مسایلو په باره کې خبرې اترې وکړي.
مولوي رازمحمد د ماسپښین د لمانځه له اداء کولو څخه وروسته د عدلیې وزارت د مسوولینو او کارکوونکو په حضور کې وینا هم وکړه او د دیني او شرعي بېلا بېلو مسایلو په باره کې خبرې وکړی. همداراز نوموړي د لیدنې په بهیر کې د دې وزارت د چارو د ترسره کولو له څرنګوالي څخه ډاډ ترلاسه کړ.
