د افغانستان د اسلامي أمارت د عدلیې وزارت ابلاغیه
په دې ورستیو کې په فیسبوک، ټیوټر، تلیګرام، انستاګرام او نورو ټولنیزو شبکو کې د افغانستان اسلامي امارت د حکم، قانون، پالیسي او اصولو تر عنوان لاندې اکاذیب خپرېږي چې دغه ډول خپرونې د خلکو د ذهنیتونو د خرابولو باعث ګرځي.
د افغانستان اسلامي أمارت نه یواځې دا چې دغه ډول ناروا خپرونې په کلکه ردوي، د ټولو وزارتونو او ادارو څخه غواړي هر یو په خپله اړوندو ساحو کې دغه شایعات ژر تر ژره او په موقع رد کړي.
دکشف او د تعقیب له ادارو څخه په کلکه غوښتنه کېږي چې د دغه راز افواهاتو خپرونکي تعقیب او د قانون منګلو ته یې وسپاري.
والسلام
