د ارزګان ولایت د ځمکو د غصب د مخنیوي د تخنیکي هیئت ناسته جوړه شوه
د ارزګان ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۱۶ نېټه دوشنبې په ورځ د هیئت د رئیس او غړو په حضور سره جوړه شوه.
په دغې ناسته کې، له مرکزي کمېسیون څخه د بېلابېلو موضوعاتو په تړاو ترلاسه شوي پنځه دوسي بحث او بررسۍ لاندې ونیول شوې او دغو برخو کې لازم تصمیمونه ونیول شول.
یاد شوي هیئت د ځینو نورو موضوعاتو لکه د کرنا ساحې، سهنانو، سراب او سبزل دښتې په اړه بحث وکړ چې له دغې جملې څخه د سهنانو موضع چې ۸۰۰ جریبه ځمکه په کې شامله ده، بشپړه شوې او متصرفین یې وپېژندل شول او راپور به یې ډیر ژر مرکز ته استول شي.
