خبرتیا
په مرکز او ولایتونو کې ټولو مدافع وکیلانو ته خبر ورکول کیږي، چې د ۲۳۵۲ مکتوب په اساس چې د ۱۴۴۳ / ۵/ ۱۳ مه نېټه د افغانستان اسلامي امارت د عدليې وزارت له لوري صادر شوی، هغه مدافع وکيلان چې د جوازليکونو نېټه يې پای ته رسېدلې تر هغه وخته پورې چې د نويو جوازليکونو د چمتووالي ټول مراحل پای ته رسيږي دوی کولی شي چې په تېرو جوازليکونو خپلو فعاليتونو ته ادامه ورکړي.
د دې موضوع په تړاو ټولو مدافع وکيلانو ته خبر ورکړل شو، همداراز د اسلامي امارت د کابينې د ۱۰ مې مصوبې سره سم د مدافع وکيلانو ارزونه دوام لري.
