بغلان ولایت کې ۱۸۱۰۰۰ جریبه ځمکه عامه مرعی تثبیت شوه
د بغلان ولایت د ځمکې د غصب د مخنیوي تخنیکي هیئت د مرکزي بغلان ولسوالۍ د ګبر دښتي ولسوالۍ ته ولاړ او ۱۸۱۰۰۰ جریبه ځمکه یې عامه مرعی تثبیت کړه.
یاده ساحه کې مالدارانو عامه مرعی ځمکې په خپل سر توګه خپلو کې ویشلي او د تاسیساتو په جوړولو یې لاس پورې کړی وو.
تخنیکي هیئت له هغو افرادو او اشخاصو سره چې دغه ساحه یې تصرف کړې، لیدنه وکړه او د عامه مرعی ځمکو په اړه یې له هغوی سره خبرې وکړې. یاد شوي هیئت هغوی ته غوږ وهنه وکړه چې هیڅوک حق نه لري عامه مرعی ځمکې د بلې موخې له پاره وکاروي. یادو شویو مالدارانو ژمنه وکړه چې نور د قانون خلاف کار نه کوي.
