بادغیس ولایت کې ۵۰۰ جریبه ځمکه استرداد شوه
د بادغیس ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۱۶ نېټه د چهارشنبې په ورځ د دغه هیئت د رئیس او غړو په حضور سره جوړه شوه او د یو شمېر مراجعینو سندونه او عریضې په کې بررسي شوې او دغې برخه کې لازم تصمیمونه ونیول شول.
په دغې ناسته کې تخنیکي هیئت د جوند ولسوالۍ په آبخور یلنتا سیمه کې د عامه مرعی ۵۰۰ جریبه ځمکې موضوع بررسي کړه او یاده ځمکې یې استرداد کړه. د یادې ساحې مخورو او استازو له تخنیکي هیئت سره ژمنه وکړه چې وروسته له دې په یادې سیمه کې هیڅ ډول مالکانه ادعا نه لري او د نورو خلکو له استفادې څخه هم مخنیوي نه کوي.
یاد شوي هیئت یو شمېر افراد چې د قادس ولسوالۍ د آبګرمک کلي د زیارت ځمکه یې غصب کړې، د یاد ولایت کرنې ریاست ته وغوښت او له یو بل شخص څخه چې حج او اوقافو ریاست د هغه پر وړاندې عارض شوی چې خلیفه بهرام علیه رحمه د زیارت یوه برخه کې غصب کړې، سندونه او شرعي مدارک وغوښتل.
