د ننګرهار عدلیې ریاست او د تورخم ښارګوټي د موټر پلورنځیو مسؤولینو ترمنځ د همغږۍ ناسته ترسره شوه
د ننګرهار ولایت د عدلیې ریاست د انسجام آمریت مسؤولینو د صفرالمظفر د میاشتې په ۱۷مه نېټه، د دوشنبې په ورځ د دغه ولایت د مومندره ولسوالۍ د تورخم ښارګوټي د موټر پلورنځیو له یو شمېر مسؤولینو سره د همغږۍ ناسته ترسره کړه.
په دې ناسته کې چې د تورخم د کميسارۍ او ښاروالۍ مسؤولينو ګډون درلود د انسجام آمریت مسؤولینو ټینګار وکړ چې د موټر پلورنځیو مسؤولین باید د قانون له مخې د عدلیې له ریاست څخه د فعالیت جواز ترلاسه کړي او ټول اصول دې رعایت کړي.
د موټر پلورنځیو مسؤولینو د قانوني جواز د ترلاسه کولو ډاډ ورکړ او ژمنه یې وکړه چې خپل فعالیتونه به د نافذه قوانینو او مقرراتو په رڼا کې پر مخ وړي.
