د شمال ختيځ زون د مدافع وکيلانو د آمریت او د کندز ولایت د استیناف محکمې ترمنځ د همغږۍ ناسته جوړیدل
د کندوز ولایت د شمال ختيځ زون د مدافع وکيلانو آمر او د یاد ولایت د عدلیې رياست د حقوقي مرستو آمریت مسؤولینو د روژې د مياشتې په ۱۵ مه نېټه د شنبې په ورځ، د یاد ولایت د استیناف محکمې له رئیس مولوي نور محمد نوري سره وکتل.
په دې کتنه کې، د شمال ختيځ زون د مدافع وکيلانو آمريت د کندز ولایت په محکمو کې د مدافع وکيلانو او د حقوقي مساعدينو د شته ستونزو او ننګونو په اړه خبرې وکړې او د حل په برخه کې یې د همکارۍ غوښتنه وکړه.
د کندز ولایت د استیناف محکمې رئیس، د شمال ختيځ زون د مدافع وکيلانو آمريت او د عدلیې رياست فعالیتونه او کړنې وستایلې او په محکمو کې یې د اړوندو برخو ستونزو ته د رسيدګۍ ډاډ ورکړ.
