په سرپل ولایت کې د څه باندې ۲۴۲ جریبه ځمکې بررسي کېدل
د سرپل ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۱۱ مه نېټه د سه شنبې په ورځ، د هيئت د رئيس او غړو په ګډون جوړه شوه.
تخنيکي هيئت په دې ناسته کې، د سرپل ولایت د کوهستانات ولسوالۍ اړوند په سردره کلي کې د څه باندې دوه سوه دوه څلوېښت (۲۴۲) جریبه ځمکې دوسیه تر بحث او بررسۍ لاندې ونيوله.
هيئت پرېکړه وکړه چې د یادې ځمکې دوسیه د لازمې پرېکړې په موخه مرکزي کمېسيون ته واستول شي.
همدارنګه په ياده ناسته د سرپل ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
