د کنړ ولایت عدلیې رئيس د یاد ولایت د اتحادیو او خیریه بنسټونو له مسؤولینو سره وکتل
د کنړ ولایت د عدلیې رئيس مولوي روح الله روحاني د جماديالثاني د مياشتې په ۸ مه نېټه د سهشنبې په ورځ، د یاد ولایت د اتحادیو او خيریه بنسټونو له یو شمېر مسؤولينو سره د یاد رياست په مقر کې وکتل.
په دې کتنه کې د عدلیې رئيس ټینګار وکړ چې د اتحادیو او خيريه بنسټونو مسؤولين دې په خپلو کاري اجراآتو کې له خلکو سره ښه چلند وکړي، پرته له جواز څخه او په غير قانوني توګه فعالیت ونهکړي، د عدلیې له رياست سره د خپلو فعاليتونو راپور شريک کړي او خيريه بنسټونه دې له اړمنو کسانو سره مرستې وکړي.
دغه راز په دې کتنه کې د اتحاديو او خيریه بنسټونو مسؤولینو هم خپلې ستونزې او غوښتنې شرېکې کړې چې عدلیې ریاست یې د حل په برخه کې هغوی ته ډاډ ورکړ.
