د سرپل ولایت د عدلیې ریاست اداري ناسته جوړیدل
د سرپل ولایت د عدلیې ریاست اداري ناسته د صفرالمظفر د مياشتې په ۳۰ مه نېټه د سهشنبې په ورځ د سرپل ولایت د عدليې رئیس، مولوي عبدالرازق مرزوقی په مشرۍ او د یاد ریاست د آمرینو او کارمندانو په ګډون سره جوړه شوه.
په دې ناسته کې، د سرپل ولایت عدلیې رئیس د امیرانو له اوامرو څخه د اطاعات، د هغو ګټې او له اسلامي شریعت سره سم د کارمندانو ترمنځ د همکارۍ او د ورورولۍ چلند په اړه خبرې وکړې او د یاد ریاست له کارمندانو څخه یې وغوښتل چې له دغو مواردو څخه اطاعت وکړي.
په دې ناسته کې د عدلیې ریاست کارمندانو ته په وخت د چارو د اجرا، خپل ترمنځ د متقابل احترام او له مراجعینو سره د ښه چلند په برخه کې لازمې توصیې وشوې.
