د پکتیا ولایت د عدلیې ریاست اداري ناسته جوړیدل
د پکتیا ولایت د عدلیې ریاست اداري ناسته، د شعبان د مياشتې په ۲۸ مه نېټه د یکشنبې په ورځ د پکتیا ولایت د عدلیې رئیس مولوي محمد رئيس محمدي په مشرۍ او د یاد ریاست د آمرینو او کارمندانو په ګډون د دغه رياست په مقر کې جوړه شوه.
په دغې ناسته کې، د پکتیا ولایت د عدلیې رئیس د تېر کال په ترسره شويو کاري کړنو، د اسلامي امارت د مشر تابه د فرمانونو، اوامرو او د احکامو تطبیق او د یاد ریاست د لاسته راوړنو، ستونزو او راتلونکو پلانونو په اړه یې معلومات وړاندې کړل.
دغه راز نوموړي د یاد ریاست کارمندانو ته د خپلو مسؤولیتونو د ترسره کولو، له نبوي سنتو سره سم د خپل سیرت او صورت برابرولو، وخت او حاضرۍ ته د پابندۍ، په وخت د چارو د اجرا، د اخلاص درلودلو، د کارمندانو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
