د عدلیې وزارت د دوو ریاستونو کارمندانو لپاره د ۵ ورځنۍ زده کړییزې برنامې پای
۵ ورځنی زده کړییزه برنامه چې د عدلیې وزارت د بشري سرچینو ریاست لهخوا د یاد وزارت د کابل د امارت د قضایاوو ریاست او د ژباړې د بورد او د رسمي سندونو د تصادیقو ریاست کارمندانو لپاره جوړ شوی و، د رجب المرجب د میاشتې په ۱۳ نېټې د پنجشنبې په ورځ پای ته ورسید.
په یادې برنامې کې چې د امارت د قضایاو د مسلکي او اداري زده کړو تر سرلیک لاندې جوړ شوی و، د یادو ریاستونو ۴۴ تنو کارمندانو ګډون کړی و او د غصب او له هغه سره د مبارزې د لارو چارو، د ځمکو د غصب د مخنیوي قانون او اړوند لایحې، دعوا او د هغې شرایط، د پلان جوړونې او د ادارې د انسجام په چارو کې د اداري مراسلاتو د اهمیت په اړه لازمې زده کړې ترسره کړې.
د یادې برنامې په پای کې، د امارت د قضایاوو لوی رئیس مولوي احسان الله وثیق، د بشري سرچینو رئیس مولوي رحمت الله حلیم، د کابل د امارت د قضایاوو رئیس مولوي عبدالله کالف او عدلیې وزارت د بشري سرچینو ریاست د زده کړو او ظرفیت لوړولو آمر مفتي احمد ضیاء خبیب حضور درلود او د زده کړه ییزو برنامو د ګټورتوب، اغیزمنتوب او اهمیت په اړه يې خبرې وکړې او له مراجعینو سره د کارمندانو په ښه چلند او اصولو ته پر پابندۍ باندې ټینګار وکړ.
یاده شوې برنامه ګډونوالو ته د تصدیق پاڼو په ویشلو سره پای ته ورسیده.
