د کاپیسا ولایت د محبس مسؤلینو، منسوبینو او محبوسینو لپاره د حقوقي پوهاوي ورکولو برنامه جوړول
د کاپیسا ولایت د عدلیې ریاست د حقوقي مساعدتونو آمریت د کاپیسا ولایت د محبس مسؤلینو، منسوبینو او محبوسینو لپاره د حقوقي پوهاوي ورکولو برنامه په دغه محبس کې جوړه کړه.
په دغې برنامې د کاپیسا ولایت د محبس له مسؤلینو، منسوبینو او محبوسینو څخه ۵۰ تنو ګډون درلود او د شکمن او تورن د حقوقو، له لږیدلې تور څخه د پوهیدلو، په پاڼو کې د لیکنې او لاسلیک څخه د ډډې کولو، د اهل خبره واک د ردولو، د څېړنې په نیمګړتیا د اعتراض کولو او د څېړونکي څارنوال او مستنطق د ردولو، د اتهام نامې او د دعوا صورت یو نقل درلودلو، د دفاعیې د ترتیب حق، د مدافع وکیل د نیولو حق او د نورو مواردو په اړه پوهاوی ترلاسه کړل.
د کاپیسا ولایت د محبس منسوبینو د یادې برنامې له جوړونکو څخه مننه او قدرداني څرګنده کړه او په راتلونکي کې هم د دغه راز برنامه جوړیدلو غوښتنه وکړه.
