د پکتیا ولایت عریضه لیکونکو لپاره د زده کړه ییز سیمینار جوړیدل
د پکتیا ولایت عدلیې ریاست د یاد ولایت د مرافعې محکمې په همکارۍ، د ربیع الثاني د میاشتې په ۱۷ نېټې د چهارشنبې په ورځ د یاد ولایت د مرکز او ولسوالیو عریضه لیکونکو لپاره د عدلیې ریاست په تالار کې یو ورځنی زده کړه ییز سیمینار جوړ کړ.
په دغه سیمینار کې چې د یاد ولایت د عریضه لیکونکو د ظرفیت لوړولو په منظور جوړ شوی وو، ۲۵ تنو عریضه لیکونکو برخه واخیسته او د عدلي محکمو د حقوقي او اداري اصولنامې مطابق د حقوقي عریضو د محتویاتو، ځانګړتیاو او شرایطو په اړه، لازم معلومات ترلاسه کړل. په دغه سیمینار کې د عریضه لیکنې په برخه کې عملي کارونه هم ترسره شول.
