د عدلیې وزارت د امارت د قضایاو لوی ریاست د دریو مسلکي بستونو د رقابتي آزموینې جوړیدل
د اسلامي امارت د عدلیې وزارت د بشري سرچینو ریاست د ۱۴۴۵ هجري قمري کال د محرم الحرام د میاشتې په ۷ نېټه د دوشنبې په ورځ د امارت د قضایاو لوی ریاست د دریو مسلکي بستونو رقابتي آزموینه د یاد وزارت په مقر کې جوړه کړه.
یادو بستونو کې د امارت د قضایاو د لوی ریاست د املاکي قضایاو د مسلکي غړو دریم رتبه درې بستونه شامل دي او په دغې رقابتي آزموینه کې ۳۸ تنو غوښتونکو برخه واخیسته.
په دغې آزموینه کې، د عدلیې وزارت د بشري سرچینو رئیس مفتي رحمت الله حلیم، د داخلي پلټنې ریاست د نظارت او کنټرول آمر، د یاد وزارت د بشري سرچینو د استخدام آمر او د روزنې او ظرفیت لوړولو آمر ګډون کړی وو او د یادې آزموینه له بهیر څخه یې نظارت ترسره کړ.
