د کاپیسا ولایت د تګاب ولسوالۍ له ځینو برخو څخه د یاد ولایت د تخنیکي هیئت لیدنه
د کاپيسا ولایت د ځمکو د غصب د مخنیوي تخنیکي هیئت د ذوالقعدې د میاشتې په ۲۵ نېته د چهارشنبې په ورځ د دغه ولایت تګاب ولسوالۍ ته ولاړ او د یادې ولسوالۍ د پاتي ساحو د بررسي په برخه کې لازم اقدامات ترسره کړل.
دغه هیئت د یادې ولسوالۍ امارتي مسؤلینو په همغږۍ شینکي، عمرخیل، پاینده خیل او غازي خانخیل کلیو ته ولاړ او دغو کلیو کې پاتې ساحې بررسي، تثبیت او استرداد له پاره چمتو کړې.
یاد شوي هیئت، د متصرفو او غاصبو اشخاصو لیست هم جوړ کړ او د دغو ساحو اوسیدونکو ته پوهاوی ورکړ چې د امارتي ساحو له غصب څخه ډډه وکړي. استرداد شوې ساحې هم امارتي مسؤلینو ته وسپارل شوې ترڅو د هغو له بیاځل غصب څخه مخنیوی وشي.
