د لوګر ولایت تخنیکي هیئت د یاد ولایت مرکز د پل علم ښار له ځینو ساحو څخه لیدنه وکړه
د لوګر ولایت د ځمکو د غصب مخنیوي تخنیکي هیئت د شوال میاشت په ۱۷ نېټه د یکشنبې په ورځ د یاد ولایت مرکز پل علم ښار ته ولاړ او د بیدک، آبچکان، چوڼۍ او پادخواب شانې سیمو له دښتې څخه لیدنه وکړه.
یاد هیئت له هغې دښتې څخ چې له کلونو راهیسې د پادخواب او آبچکان کلیو د اوسیدونکو ترمنځ پرې شخړه روانه وه، لیدنه وکړه. دغه دښته چې زیاته برخه یې امارتي وه او ځينې برخې یې د یو شمېر اشخاصو لخوا په غیر قانونی توګه تصرف شوي دي.
دغه دښته چې د کادستری نقشې ۷۶۰ قطعې ځمکه ده او مساحت یې ۱۳۹۰۵.۲ جریبه ده، له بررسۍ څخه وروسته املاکي تثبیت شوه او راتلونکو اجراآتو له پاره مرکزي کمېسیون ته استول کیږي.
