د حقوقو د پراختیا نړیوال سازمان له یو پلاوي سره د عدلیې وزیر کتنه

waheed
Thu, Aug 04 2022 11:03 AM

د اسلامي امارت د عدلیې وزارت سرپرست شیخ الحدیث مولوي صاحب عبدالحکیم شرعي د روان کال د محرم الحرام په ۵ نېټه د چهارشنبې په ورځ د افغانستان د حقوقو د پراختیا نړیوال سازمان (IDLO)  لوی رئیس ښاغلی ریموند میکلرایت او د هغه مل پلاوي سره د دې وزارت په مقر کې وکتل او خبرې یې ورسره وکړې. 

په دې کتنه کې له مدافع وکیلانو او حقوقي مساعدینو سره د دې سازمان د همکارۍ او د مرستې د څرنګوالي په اړه خبرې وشوې.

د حقوقو د پراختیا نړیوال سازمان لوی رئیس  وکیلانو ته د فعالیت زمینې برابرولو او د جوازلیک د ویش له پاره د اسلامي امارت له عدلیې وزارت څخه هرکلی وکړ. هغه له عدلیې وزارت څخه وغوښتل چې د وکیلانو له پاره د یوې ټولنې د جوړولو زمینه برابره کړي چې له دې لارې د مدافع وکیلانو له پاره په ښوونيزې برخې کې مرستې او نورې ګټورې برنامې  طرح او تطبیق شي.

په دې ناسته کې د عدلیې وزیر د مدافع وکیلانو د ریاست او له عدلیې وزارت سره يې د ادغام د څرنګوالي په اړه معلومات ورکړل، ویې ویل چې مدافع وکیلان پخوا مستقل وو او په هغه کې ډیر فساد شتون درلود له دې امله یې همکارانو عدلیې وزارت ته شکایت کړی وو. هغه زیاته کړه چې دغه شکایت د دې سبب شو چې عدلیې وزارت دغه موضوع کابینې ته وړاندیز کړي او کابینې پرېکړه وکړه چې مدافع وکیلان دې د عدلیې وزارت تر سیورې لاندې فعالیت وکړي.

د عدلیې وزیر د حقوقو د پراختیا نړیوال سازمان څخه د حقوقي مرستو او د مدافع وکیلانو په برخه کې همکاري وغوښته.

په دې ناسته کې د مدافع وکیلانو رئیس مولوي سید حبیب الحبیب د دې ریاست د فعالیت په اړه معلومات ورکړل، ویې ویل چې دغه ریاست اونۍ کې دوه ځله د شنبې او سه شنبې په ورځو د مدافع وکیلانو د ارزونې بهیر ترسره کوي. هغه زیاته کړه چې دغه ریاست تر اوسه ۹ ځلې د مدافع وکیلانو ارزونه  سرته رسولې او ۴۵۰ تنو مدافع وکیلانو ته یې د فعالیت جوازلیک ویشلی دی.

همدا راز د مدافع وکیلانو رئیس وویل چې دغه ریاست د ارزونې بهیر او جواز لیکونو ویش څخه وروسته، د مدافع وکیلانو له پاره د ستاژ دوره هم جوړوي تر څو د بې وزلو خلکو د حقوقو څخه په سم ډول دفاع وشي.

په پای کې د حقوقو د پراختیا نړیوال سازمان رئیس وعده وکړه چې د بنديزونو د پورته کېدو په صورت کې، د تقنین د ستاژ په برخه کې او نورو برخو کې هم  له عدلیې وزارت سره همکاري وکړي.

خبرها

Thu, Jul 28 2022 9:57 AM
Background image

The Administrative Meeting of Central Directors of the Ministry of Justice Was Convened

The administrative meeting of the central directors of the ministry of justice was held on Wednesday July 27th, 20222, chaired by Mawlawi Rahmatullah Haqani, the administrative and. . .

Wed, Jul 06 2022 8:39 AM
Background image

The Meeting of Central Directors of Ministry of Justice was convened

The meeting of central directors of ministry of justice of Islamic Emirate was convened on Tuesday, 5th of July under the chairmanship of the acting minister of this ministry Sheikh -al. . .

Wed, Jun 29 2022 11:45 AM
Background image

Ministry of Justice has Issued 64 Activity Licenses to the Charity Foundations over the Course of Last 9 Months

Ministry of justice has issued 64 activity licenses to charity foundations out of which 59 licenses were new and 5 other licenses have been renewed.

These licenses were processed and. . .

BACK TO NEWS