په بلخ ولایت کې د کابو ۱۵۰۰ جریبه ځمکې دوسیې تر بررسۍ لاندې ونيول شوې
د بلخ ولایت د ځمکو له غصب څخه د مخنيوي تخنيکي هيئت ناسته د ربیعالاول د مياشتې په ۲۸نېټه د یکشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د بلخ ولایت د مرکز، مزار شریف ښار اړوند په اوومه ناحیه کې شپږ سوه اويا (۶۷۰) جریبه ځمکې او د نهر شاهي ولسوالۍ اړوند په لنګر خانه کلان کلي کې د اته سوه اته ويشت (۸۲۸) جریبه ځمکې دوسیې تر بحث او بررسۍ لاندې ونيول شوې.
هيئت پرېکړه وکړه چې د یادو ځمکو دوسیو په اړه دې املاکي څېړنې ترسره شي او په راتلونکې ناسته کې دې معلومات شريک شي.
