راستنېدونکو کډوالو سره په عدلیې وزارت کې د ثبت شویو اتحادیو او خيريه بنسټونو د مرستو بهیر دوام لري
د ننګرهار ولایت د تورخم په عمري کمپ کې چې، تازه راستنېدونکو افغان کډوالو لپاره جوړ شوی دی، د ۳ اتحادیو او ۷ خيريه بنسټونو له لوري د مرستو لړۍ دوام لري.
په دغو مرستو کې د ننګرهار ولایت د ډاکټرانو اتحادیې په واسطه په وړیا توګه د ناروغانو درملنه، د تورخم کلینيک لپاره د درملو پلورونکو اتحادیې له لورې د درملو ۴۸ کارټنه ځانګړي کېدل، د معاملاتو لارښوونې له لورې د کورونو د کرایو کمښت یا معافیت لپاره هڅې، د ننګرهار زون مدافع وکيلانو له لوري په وړیا ډول د حقوقي مشورو وړاندې کول او له زرګونه کورنيو سره هره ورځ د خوراکي توکو او د څښاک صحي اوبو مرستې شاملې دي.
دا مرستې به تر هغه دوام ولري تر څو چې، د کډوالو د راستنېدو او ټول کډوال د هغوی ځای پر ځای کېدو بهیر بشپړ شي.
