د هرات ولایت د ځمکو له غصب څخه د مخنيوي تخنيکي هيئت اداري کارکوونکو او انجنيرانو او د مستوفيت مديرانو لپاره زده کړه ییزه برنامه جوړیدل
د هرات ولایت د ځمکو له غصب څخه د مخنيوي تخنیکي هيئت سکرتريت د هیئت غړو مسلکي کارکوونکو او انجنيرانو او د هرات د مستوفيت ادارې مديرانو لپاره زده کړه ییزه برنامه جوړه کړه.
په دې برنامه کې چې د رجب المرجب د میاشتې په ۲۱ مه نېټه د چهارشنبې په ورځ جوړه شوه، ګډونوالو ته د قوانينو په اساس د اجراآتو د ترسره کولو او د کره معلوماتو او بشپړ راپور ورکولو او یو شمېر نورو اړينو موضوعاتو په اړه معلومات وړاندې شول.
همدارنګه، په دې برنامه کې د کارکوونکو پوښتنې او ستونزې هم واورېدل شوې او د حل په برخه کې ډاډ ورکړل شو.
