د کابل ښار په درېيمه ناحیه کې له ۱۴ دارالوکالو څخه نظارت ترسره شو
د اسلامي امارت د عدلیې وزارت د مدافع وکیلانو ریاست نظارتي پلاوي د تېرې یوې اوونۍ په اوږدو کې د کابل ښار په درېيمه ناحیه کې د یو شمېر دارالوکالو څخه نظارت او د هغوی فعالیتونه یې بررسي کړل.
د یاد نظارت په ترڅ کې، ۱۴ دارالوکالې د پلاوي لهخوا بررسي شوې او یوه دارالوکاله د غیرقانوني فعالیت له امله وتړل شوه. دغه راز پلاوي د نورو دارالوکالو نیمګړتیاوې هم مشخصې کړې او د هغو متصدیانو ته یې د شته نیمګړتیاو د لرې کولو په موخه لازمې توصیې وکړې.
دغه راز یاد پلاوي د یادې ناحیې د مدافع وکیلانو ستونزې او مستندې ننګونې هم واورېدلې او د حل په برخه کې يې هغوی ته ډاډ ورکړ.
