د کاپیسا ولایت د دوه یمې امنیتې حوزې مسؤلینو او منسوبینو لپاره د حقوقي پوهاوي ورکولو برنامې جوړیدل
د کاپیسا ولایت د عدلیې ریاست د حقوقي مساعدتونو آمریت د دغه ولایت د دوه یمې امنیتې حوزې مسؤلینو او منسوبینو لپاره د حقوقي پوهاوي ورکولو برنامه جوړه کړه.
په دغې برنامې کې د کاپیسا ولایت د امنیې قوماندانۍ د دوه یمې امنیتې حوزې ۲۹ تنو مسؤلینو او منسوبینو برخه واخیسته او د شکمن او تورن د حقوقو، د عدلي او قضایي ارګانونو د موقف، د پولیس واک او مسؤلیت، د جرم د کشف، د پېښې د ځای د بررسۍ، په وقایعوي پړاوونو کې د عاجلې رسیدګۍ، د نیولو د ځای د کروکي او ترتیب، د اثباتیه مدارکو راټولولو، د جنايي څېړنو او د توقیف مودې د پای ته رسیدلو په اړه پوهاوی ترلاسه کړ.
د کاپیسا ولایت د امنیې قوماندانۍ د دوه یمې امنیتې حوزې مسؤلینو او منسوبینو د یادې برنامې له جوړونکو څخه مننه او قدرداني څرګنده کړه او په راتلونکي کې هم د دغه راز برنامو د جوړولو غوښتنه وکړه.
