په بادغیس ولایت کې کابو ۷ جریبه امارتي ځمکه استرداد او ۴۳ جریبه نوره ځمکه تثبیت شوه
د بادغیس ولایت د ځمکو د غصب د مخنیوي د تخنیکي هیئت ناسته د ربیع الثاني د میاشتې په ۸ نېټې د دوشنبې په ورځ د دغه هیئت د رئیس او غړو په حضور سره جوړه شوه او د یاد ولایت په جوند ولسوالۍ کې د کرنې د ریاست اړوند د ۵۰ جریبه ځمکې د غصب اړوند دوسیه په کې بحث او بررسۍ لاندې ونیول شوه.
د یادې ۵۰ جریبه ځمکې له جملې څخه د هغې ۷ جریبه چې د جوند ولسوالۍ د څو تنو اوسیدونکو په واسطې غصب شوې وه، د هغې په امارتي توب د متصرفینو د اقرار او اعتراف له امله یاده شوې ځمکه استرداد شوه او د هغې ۴۳ جریبه نوره ځمکه هم تثبیت شوه.
دغه راز په یاده ناسته کې له یو شمېر کسانو څخه د هغوی تر ادعا لاندې ځمکو په تړاو د استعلام په ذریعې شرعي سندونه او مدارک وغوښتل شول.
