په ننګرهار ولایت کې د خیریه بنسټونو له يو شمېر دفترونه څخه نظارت ترسره شو
د ننګرهار ولایت عدلیې ریاست نظارتي پلاوي، د ننګرهار ولایت په مرکز، جلال اباد ښار کې د یو شمېر خیریه بسنټونو دفترونو څخه نظارت ترسره کړ او د هغوی فعالیتونه یې بررسي کړل.
د ياد نظارت په ترڅ کې د خيريه بنسټونو د فعاليتونو له څرنګوالي څخه نظارت ترسره شو او په پایله کې د هغو نيمګړتياوې مشخصې شوې.
نظارتي پلاوي د خيريه بنسټونو مسؤولینو ته د نیمګړیتاو د لرې کولو او د کاري چارو ښه پرمخ وړلو په اړه لازمې توصیې وکړې.
د ننګرهار ولایت عدلیې رياست په یاد ولایت کې په دوامداره توګه له اړوندو برخو نظارت ترسره کوي تر څو د غير قانوني فعالیتونو مخنيوی وشي.
