په سرپل ولایت کې د ٧٦ جریبه امارتي ځمکې تثبيت
د سرپل ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ٧ نېټې د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
دغه راز د پنجشنبې په ورځ د سرپل ولایت له تخنیکي هیئت څخه یو ټیم، د مدعی بها ساحو د بررسۍ او تثبیت په منظور د یاد ولایت د سید آباد ولسوالۍ، سید آباد سیمې ته سفر وکړ.
یاد شوي هیئت د دغې ساحې د څو تنو اوسیدونکو په واسطې ۷۶ جریبه غصب شوې امارتي ځمکه بررسي کړه او موجوده سندونه یې پر ساحې باندې تطبیق کړل او مدعا بها ساحه یې تثبیت، کروکي او سکیچ کړه.
