په جوزجان ولايت کې د معاملاتو لارښوونې د ۶ دفترونو نظارت کېدل
د جوزجان ولایت د عدلیې ریاست د معاملاتو لارښوونو د دفترونو مؤظف نظارتي پلاوي، د جمادی الأولی د میاشتې په ۱۴مه نېټه د شنبې په ورځ، د یاد ولایت په مرکز شبرغان ښار کې، د معاملاتو لارښوونې له شپږو دفترونو څخه نظارت ترسره کړ.
مؤظف پلاوي د دغه نظارت په ترڅ کې، د معاملاتو لارښوونو د دفترونو متصدیانو ته د شته نيمګړتياو د اصلاح او د کاري چارو ښه پرمخ وړلو په موخه لازمې توصیې وکړې او له هغوی څخه یې وغوښتل چې د قانون مطابق فعالیت ترسره کړي او د امارتي ملکیتونو اخیستلو او پلورلو له معاملاتو څخه مخنیوی وکړي.
د جوزجان ولایت د عدلیې ریاست په دوامداره توګه په دغه ولایت کې د معاملاتو لارښوونو له دفترونو څخه نظارت او بررسي ترسره کوي تر څو د غير قانوني فعاليتونو مخه ونيول شي.
