په بلخ ولایت کې د څه باندې ۳۸۰۰ جریبه امارتي ځمکې تثبيت او تشخیص
د بلخ ولایت د ځمکو له غصب څخه د مخینوي تخنیکي هیئت ناسته، د شعبان د میاشتې په ۳ مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د یاد ولایت د مرکز اړوند په دشت شور ساحه کې د درې زره څلور سوه څلور پنځوس (۳۴۵۴) جریبه ځمکې، په څلورمه ناحيه کې د درې سوه څلوېښت (۳۴۰) جریبه ځمکې، په شولګرې ولسوالۍ کې د څه باندې څلور ويشت (۲۴) جریبه ځمکې او په بلخ ولسوالۍ کې د لس (۱۰) جریبه ځمکو دوسیې تر بحث او بررسي لاندې ونيول شوې او په ترڅ کې یې یادې ساحې امارتي تثبیت او تشخیص شوې.
هيئت پرېکړه وکړه چې د یادو ځمکو دوسیې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د بلخ ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
