د ۱۴۰۳ هجري شمسي کال د زمري د میاشتې ۱ نېټې ته د دفاع وکالت د درېیمې دورې ازموینې ځنډېدلو په اړه د عدلیې وزارت خبرتیا
د دفاع وکالت د جواز ټولو هغو غوښتونکو ته چې د دفاع وکالت د ورودي ازموینې دریمې دورې لپاره یې نوم لیکنه کړې وه، خبر ورکول کېږي چې د یادې ازموینې نېټه د ۱۴۰۳ هجري شمسي کال د چنګاښ د میاشتې له ۲۵ نېټې څخه د زمري د میاشتې ۱ نېټې ته بدله شوې ده.
له دې امله ټول هغه محترم غوښتونکي چې نومونه یې په نوملړ کې شامل دي د چنګاښ د میاشتې په ۳۰ او ۳۱ نېټه د شنبې او یکشنبې په ورځو ازموینه کې د شمولیت کارت ترلاسه کولو لپاره د عدلیې وزارت د مدافع وکیلانو ریاست ته مراجعه وکړي. د شمولیت کارت یوازې په تعیین شویو ورځو کې وېشل کېږي او د ازموینې په ورځ نه وېشل کېږي.
محترم متقاضیان دې د ازموینې په ورځ د سهار په ۶ بجو د تابعیت اصلې تذکرې او د شمولیت کارت سره په عدلیې وزارت کې حاضر اوسي. د ازموینې په ورځ د عدلیې وزارت داخل ته د متقاضیانو له لوري د هر ډول تلفن راوړل ممنوع دي.
یادونه: متقاضیان دې په ازموینه کې د حضور لپاره له هر ډول اقدام څخه مخکې د دفاع وکالت د جواز غوښتونکو په نهايي نوملړ کې د خپل نوم له موجودیت څخه ډاډ ترلاسه کړي ترڅو د بېځایه سرګردانۍ مخنیوی وشي.
د دفاع وکالت د جواز غوښتونکو نهايي نوملړ
