د کابل ښار په څلورمې او پنځمې ناحيو کې له ۱۰ دارالوکالو څخه نظارت ترسره شو
د اسلامي امارت د عدلیې وزارت د مدافع وکیلانو د ریاست نظارتي پلاوي د جمادي الاول میاشتې په ۱۹ نېټې د یکشنبې په ورځ د کابل ښار په څلورمې او پنځمې ناحيو کې له ۱۰ دارالوکالو څخه بررسي او نظارت ترسره کړ او د هغو متصدیانو ته یې لازمې توصیې وکړې.
یاد پلاوي د بررسۍ په ترڅ کې ۳ دارالوکالې چې د هغو د فعالیت ناحیې د هغو له جوازلیکونو سره مطابقت نه درلود او په جوازونو کې د درج شوې ناحیې په خلاف یې فعالیت درلود وپېژندل.
پلاوي د یادو شویو دارالوکالو د وکالت مهرونه قید کړل او د هغو متصدیانو ته يې توصیه وکړه ترڅو د مدافع وکیلانو ریاست ته حاضر شي او د خپلو جوازلیکونو مطابق د خپل فعالیت ځایونو ته تغییر ورکړي.
