د پروان ولایت د لومړۍ امنیتې حوزې مسؤلینو او منسوبینو لپاره د حقوقي پوهاوي ورکولو برنامه جوړیدل
د پروان ولایت د عدلیې ریاست د حقوقي مساعدتونو آمریت د ربیع الثاني د میاشتې په ۱۴ نېټې د یکشنبې په ورځ د پروان ولایت د لومړۍ امنیتې حوزې مسؤلینو او منسوبینو لپاره د حقوقي پوهاوي ورکولو برنامه د یادې حوزې په مقر کې جوړه کړه.
په دغې برنامې کې د پروان ولایت د لومړۍ امنیتې حوزې ۴۰ تنو مسؤلینو او منسوبینو برخه واخیسته او د اسلامي امارت د پالیسۍ، د عامه حقوقو پېژندلو، د پولیسو دندې او مسؤلیت او له خلکو سره د پولیسو د چلند په اړه پوهاوی ترلاسه کړ.
د پروان ولایت د لومړۍ امنیتې حوزې مسؤلینو او منسوبینو د یادې برنامې له جوړونکو څخه مننه او قدرداني څرګنده کړه او په راتلونکي کې هم د دغه راز برنامو د جوړولو غوښتنه وکړه.
