د امیرالمؤمنین حفظه الله تعالی د حکم په اساس، په افغانستان کې د کوکنارو کښت په مطلق ډول ممنوع دی.

بسم الله الرحمن الرحيم 

په هېواد کې د کوکنارو د کښت د ممنوعیت په هکله د عاليقدر امير المؤمنين حفظه الله فرمان
ګڼه ۳۱
نېټه: ۱۴۴۳/۹/۴ هـ.ق
ټولو هېوادوالو ته خبر ورکول کېږي چې د دغه فرمان د صدور له نېټې څخه وروسته په افغانستان کې د کوکنارو كښت په مطلق ډول ممنوع دی. له دې وروسته به هېڅوک پر خپلو ځمکو باندې کوکنار نه کري، که هر چا کوکنار وکرل نو کښت به یې له منځه وړل کېږي او په خپله به د شرعي چلند سره مخ کېږي.
همدارنګه په ټول هېواد کې د نشه یې توکو د ټولو ډولونو لکه: شراب، هیرویین، شیشه، تابلیت کا، چرس او د نورو ټولو نشه کوونکو شیانو کارول، انتقال، خرڅلاو، تجارت، واردات او صادرات او د نشه يي توکو د تولید کارخانې ممنوع دي. که هر چا د دغه فرمان له حکمونو څخه سرغړونه وکړه، د اسلامي امارت عدلي او قضائي ارګانونو ته به معرفي کېږي او له سختو مجازاتو سره به مخ کېږي.

والسلام 
اميرالمؤمنين شېخ القرآن والحديث
مولوي هبة الله اخندزاده