په ننګرهار ولایت کې له یو شمېر دارالترجمو څخه نظارت ترسره شو
د ننګرهار ولایت د عدلیې ریاست د رسمي اسنادو د ژباړې د تصدیق مدیریت مسؤولینو د ذوالقعدې د میاشتې په ۵نېټه د چهارشنبې په ورځ د دغه ولایت په مرکز، جلال اباد ښار کې له ۸ دارالترجمو څخه نظارت ترسره کړ او د هغو فعاليتونه یې بررسي کړل.
د دغه نظارت په ترڅ کې د یادو دارالترجمو اړوند له جواز لیکونو، مُهرونو، لوحو او یو شمېر نور اړينو اسنادو او موضوعاتو څخه بررسي ترسره شوه چې د ځینو نیمګړتیاوې مشخصې شوې او د نیمګړتیاوو د لرې کولو او د کاري چارو د لا ښه پرمخ وړلو په موخه د هغو متصدیانو ته لازمې توصیې وړاندې شوې.
د ننګرهار عدلیې رياست په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
