په هلمند ولایت کې د معاملاتو لارښوونې دوه دفترونه وتړل شول
د هلمند ولایت د عدلیې رياست نظارتي پلاوي د صفرالمظفر د مياشتې په ۷مه نېټه د چهارشنبې په ورځ، په دغه ولایت کې د معاملاتو لارښوونې له یو شمېر دفترونو څخه نظارت ترسره کړ او د هغو فعاليتونه یې بررسي کړل.
نظارتي پلاوي د یادو دفترونو د فعالیت جوازونه، مهرونه، د ثبت کتابونه او یو شمېر نور اړين اسناد بررسي کړل چې په ترڅ کې یې د معاملاتو لارښوونې ۲ دفترونه د غيرقانوني فعاليتونو او یو شمېر سرغړونو له امله وتړل شول.
همدارنګه د نورو دفترونو په کاري چارو کې هم یو شمېر ستونزې او نيمګړتياوې مشخصې شوې چې د هغو د حل کولو او د کاري چارو ښه پرمخ وړلو په برخه کې د دغو دفترونو متصديانو ته لازمې توصیې وشوې.
د هلمند ولایت د عدلیې رياست په دوامداره توګه له اړوندو برخو څخه نظارت ترسره کوي ترڅو د غیر قانوني فعالیتونو مخنيوی وشي.
