په پکتيا ولایت کې د عریضه ليکنې د فعالیت د جواز له یو شمېرغوښتونکو څخه ازموینه واخیستل شوه
د پکتيا ولایت د عدلیې رياست د جمادیالثانی د مياشتې په ۱۵مه نېټه د شنبې په ورځ، د عریضه ليکنې د فعالیت د جواز له ۱۹ تنوغوښتونکو څخه د ارزونې او د ازموينې اخيستلو برنامه د یاد رياست په مقر کې جوړه کړه.
په یاده ازموينه کې د عدلیې رئیس مولوي فاتح الله فاتح، ګډونوالو ته د ازموينې د پروسې د شفاف والي څخه ډاډ ورکړ او زياته یې کړه چې د عريضه ليکنې د فعاليت قانوني جواز به په شرایطو برابرو عریضه ليکونکو ته ورکړل شي.
همدارنګه نوموړي له عريضه ليکونو څخه وغوښتل تر څو د عريضې ليکنې ټول اصول مراعت کړي او په معياري ډول عريضې وليکي تر څو د ادارو د مراجعينو د سرګردانۍ لامل ونهګرځي.
د عدلیې وزارت په مرکز او عدلیې رياستونه په ولایتونو کې وخت په وخت د عریضه ليکنې د جواز له غوښتونکو څخه ازموينه اخلی، ترڅو وړ او با استعداد کسانو ته په قانوني او اصولي ډول جواز وويشل شي او هم د خلکو په کارونو کې اسانتياوې رامنځته شي.
