په ننګرهار ولایت کې د یو شمېر خیریه بنسټونو له فعالیتونو نظارت ترسره شو
د ننګرهار ولایت د عدلیې رياست نظارتي پلاوي، د ذیالحجې د میاشتې په ۲۷مه نېټه د سهشنبې په ورځ د یاد ولایت د مرکز، جلال اباد ښار په دوهمه ناحیه کې د خیریه بنسټونو له یو شمېر دفترونو څخه نظارت ترسره کړ او د هغو فعاليتونه یې بررسي کړل.
په دغه نظارت کې د یادو دفترونو د فعالیت جوازونه، اساسنامې، د اداري فعالیتونو راپورونه، د مرستو د وېش څرنګوالی او نور موارد بررسي شول او په ترڅ کې یې د هغو یو شمېر نيمګړتياوې مشخصې شوې.
نظارتي پلاوي، د خيريه بنسټونو متصديانو ته د دغو نيمګړتياوو د لرې کولو او د کاري چارو ښه پرمخ وړلو په موخه لازمې توصیې وړاندې کړې.
د یادونې وړ ده چې د ننګرهار د عدلیې رياست په یاد ولایت کې په دوامداره توګه له اړوندو برخو څخه نظارت ترسره کوي ترڅو د غیرقانوني فعاليتونو مخنيوی وشي.
