په باميان ولایت کې له يو شمېر دارالوکالو څخه نظارت ترسره شو
د باميان زون د مدافع وکيلانو آمريت نظارتي پلاوي د ذیالحجې د میاشتې په ۲۶مه نېټه د دوشنبې په ورځ د یاد ولایت په مرکز کې له ۴ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل.
پلاوي، د یادو دارالوکالو نیمګړتیاوې مشخصې کړې او د نیمګړتیاو د لرې کولو او د مدافع وکیلانو د انسجام کړنلارې مطابق د اجراآتو د ترسره کولو په هکله یې د هغو متصدیانو ته لازمې توصیې وړاندې کړې.
همدارنګه، د دغه نظارت په ترڅ کې نظارتي پلاوي د مدافع وکيلانو کاري ستونزې واورېدې او د حل په برخه کې یې هغوی ته د هر اړخیزې همکارۍ ډاډ ورکړ.
