د نیمروز ولایت د عدلیې رئيس د خاشرود، چخانسور او کنګ ولسوالیو له مسؤولينو سره وکتل
د نیمروز ولايت د عدلیې رئيس مولوي عبدالوارث خلیل او له هغه سره مل پلاوي، د یاد ولایت خاشرود، چخانسور او کنګ ولسوالیو ته سفر وکړ او د یادو ولسوالیو له ولسوالانو او سیمه ییزو مسؤولينو سره یې وکتل.
د دغو کتنو په ترڅ کې د نیمروز ولایت د عدلیې رئيس د یو شمېر موضوعاتو په اړه خبرې وکړې او د ځمکو له غصب څخه د مخنيوي په برخه کې یې په لا زیاتې همغږۍ ټينګار وکړ.
همدارنګه د عدلیې رئيس د یادو ولسواليو د امارت د قضاياوو له مدیريتونو څخه نظارت ترسره کړ او د چارو د ښه پرمخ وړلو په موخه یې کارکوونکو ته لازمې توصیې وکړې او له هغوی څخه یې وغوښتل ترڅو د فعاليتونو راپور په خپل وخت له عدلیې رياست سره شريک کړي.
د نیمروز ولایت د عدلیې رياست د ښې همغږۍ، د شته ستونزو د لرې کولو او د کاري خنډونو لهمنځه وړلو په موخه د یاد ولایت د نورو ولسوالیو له مسؤولینو سره هم د همغږۍ ناستې جوړوي.
