په تخار ولایت کې د ۱۵۰۰ جریبه امارتي ځمکې تثبيت
د تخار ولایت د ځمکو له غصب څخه د مخنیوي تخنیکي هیئت ناسته، د ربیع الاول د مياشتې په ۲۶ مه نېټه د یکشنبې په ورځ، د یاد هئيت د رئيس او غړو په ګډون ترسره شوه.
په دې ناسته کې د یاد ولایت د درقد ولسوالۍ په القناق کلي کې د یو زرو پنځه سوه (۱۵۰۰) جریبه ځمکې په اړه بحث وشو او په ترڅ کې یې یاده ځمکه امارتي تثبیت او تشخیص شوه.
هيئت پرېکړه وکړه چې د یادې ځمکې دوسیه دې بشپړه شي او د لازمي پرېکړې په موخه دې مرکزي کمېسيون ته واستول شي.
همدارنګه، په دې ناسته کې د تخار ولایت په نورو ساحو کې د ځمکو د غصب اړوند یو شمېر نورې دوسیې تر بحث او بررسۍ لاندې ونيول شوې او په اړه یې لازم تصامیم ونیول شو.
