د عدلیې وزارت د رهبرۍ شورا ناسته جوړېدل
د عدلیې وزارت د رهبرۍ شورا ناسته د ذوالحجې د میاشتې په ۲۹ نېټه د شنبې په ورځ د یاد وزارت مسلکي معین شیخ الحدیث مولوي عبدالکریم حیدر په مشرۍ او د اداري معین مولوي عبدالغني فایق او د عدلیې وزارت د مرکزي رئیسانو په ګډون سره جوړه شوه.
په دې ناسته کې د ولایتونو د عدلیې ریاستونو د فعالیتونو بررسۍ او څارنې په موخه د هېواد ټولو ولایتونو ته د یو پلاوي استولو موضوع او یو شمېر نور اداري موضوعات تر بحث او بررسۍ لاندې ونیول شول.
په یاده ناسته کې ولایتونو ته د استول کېدونکي پلاوي ترکیب، د موضوعاتو د بررسۍ څرنګوالی او د نورو مواردو په اړه لازم تصامیم ونیول شول.
