په کنړ ولایت کې څه دپاسه ۱۴ جریبه امارتي ځمکه تثبیت شوه
د کنړ ولایت د ځمکو د غصب د مخنیوي تخنیکي هیئت د رجب المرجب د میاشتې په ۱۱ نېټه د یاد ولایت د مرکز اړوند د ډنډونو ساحې په بررسۍ سره، ۱۴.۳۵ جریبه امارتي ځمکه تثبیت کړه.
یاد هیئت د خپلې نوبتي ناستې له جوړولو څخه وروسته د یاد ولایت د مرکز اړوند، ډنډونو ساحې ته ولاړ او په امارتی کادستري ټوټه کې یې یو جومات، ۸ کورونه او ۵ ټوټې کرنیزې ځمکې تشخیص او تثبیت کړې.
یاد شوي تاسیسات پر ۱۴.۳۵ جریبه غصب شوې ځمکه باندې جوړ شوي او هیئت د ځمکې د غاصبینو مشخصات په جدول کې درج کړل.
