په سرپل ولایت کې د ١٢٧٧ جریبه ځمکې تثبيت
د سرپل ولایت د ځمکو د غصب د مخنیوي د تخنیکي هیئت ناسته د رجب المرجب د میاشتې په ٨ نېټه د شنبې په ورځ د هیئت د رئیس او غړو په حضور سره جوړه شوه او دیاد ولایت د بېلابېلو برخو د ځمکو د غصب اړوند دوسیې په کې بحث او بررسۍ لاندې ونیول شوې.
دغه راز هیئت له ناستې څخه وروسته ټاکل شوو ساحو ته ولاړ او د صياد ولسوالۍ په شور سیمې ساحه کې ١٢٧٦ جریبه، ١٨ بسوې او ١٨ بسواسې غصب شوې او د څړځای ځمکه تثبيت او تشخيص کړې.
هیئت د سرپل ولایت له سنګتودې ساحې څخه هم لیدنه وکړه او د مدعیانو سندونه يې په هغو ساحو کې چې سرپناه جوړه شوې وه، تطبیق کړل.
