په نیمروز ولایت کې څه دپاسه ۱۴۰۰ جریبه ځمکه امارتي تثبیت شوه
د نیمروز ولایت د ځمکو د غصب د مخنیوي د تخنیکي هیئت ناسته د ربیع الاول د میاشتې په ۳ نېټې د دوشنبې په ورځ د دغه هیئت د رئیس او غړو په حضور سره جوړه شوه.
په یاده ناسته کې د دغه ولایت د خاشرود ولسوالۍ د خاکک کلي د ځمکو په تړاو بحث وشو او له ناستې څخه وروسته له تخنیکي هئیت څخه یو ټیم د ساحې د بررسۍ په منظور دغه کلي ته ولاړ.
یاد ټیم املاکي دفترونو او کادستري نقشو ته په کتلو سره یوه ټوټه امارتي ځمکه چې ۱۴۲۵.۱۷ جریبه ځمکه په کې شاملیږي تثبیت او تفکیک کړه او خط یې په کې واچوه.
