د پنجشیر ولایت د ځمکو د غصب د مخنیوي د تخنیکي هیئت د ناستې جوړیدل
د پنجشیر ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۲ نېټه د چهارشنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې، د پنجشیر ولایت د تخنیکي هیئت رئیس په دغه ولایت کې د تخنیکي هیئت د کمېټې اهمیت، غونډو ته په ټاکل شوي وخت د ټولو غړو د پابندۍ او غونډو کې د مسؤل شخص پر حضور خبرې وکړې او د تېرې ناستې له پریکړو څخه بیا کتنه وشوه.
په دغې ناسته کې د یو لړ نورو مسایلو په اړه هم بحث او د نظرونو تبادله ترسره او پریکړه وشوه چې د ملکان عنابه کلي اوسیدونکو او د لنګرخان د ورثې ادعا په اړه د دوشنبې په ورځ د دعوا لاندې ساحې د حدودو تطبیق په غرض یو تخنیکي ټیم یادې ساحې ته سفر وکړې.
په همدې توګه د یو بل شخص د اوراقو په اړه پریکړه وشوه چې د غونډې منشي د قضیې څرګندولو په غرض د یاد شخص او د هغه د نیکونو د شهرت په اړه یو استعلام ترتیب او مدعی شخص او د احصائيې ریاست ته وړاندې کړي.
دغه راز په یاده ناسته کې ساحو ته د تخنیکي هیئت د سفر په تړاو پریکړه وشوه چې له پلان سره سم د غصب شویو او وقفي ځمکو د تثبیت په غرض تخنیکي ټیم د راتلونکې یکشنبې په ورځ د یاد ولایت پریان ولسوالۍ ته سفر وکړي.
