د فراه ولایت د ځمکو د غصب د مخنیوي د تخنیکي هیئت د ناستې جوړیدل
د فراه ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۱۵ نېټه د یکشنبې په ورځ د دغه هیئت د رئیس او غړو په حضور سره جوړه شوه او د دغه ولایت د مرکز په دارآباد کلي کې پر ځمکو د اشخاصو د شخړې موضوع بررسي شوه او پریکړه وشوه چې ساحه له نږدې بررسي کړي.
په دغې ناسته کې، د ګلستان ولسوالۍ د ګورزنک کلي موضوع هم بررسي شوه او له دې کبله چې د قضيې یو لوري حضور نه درلود، پریکړه وشوه چې نوموړي احضار شي او قضیه ته رسیدګي وشي. په همدې توګه غلامان ساحه کې پر امارتي ځمکو د اشخاصو د شخړې موضوع هم بررسي شوه او د دعوا مقابل لوری هم جلب کړل شو.
