د پکتیکا ولایت د تخنیکي هیئت له خوا د پکتیکا او غزني ولایتونو ترمنځ سرحدي پولي مشخصې شوې
د پکتیکا ولایت د ځمکو د غصب د مخنیوي تخنیکي هیئت د پکتیکا او غزني ولایتونو ترمنځ د حد فاصل د تعیین په منظور د دواړو ولایتونو سرحدي سیمو ته ولاړ او دغې برخه کې لازم اقدامات ترسره کړل.
هیئت د پکتیا د زرمت ولسوالۍ اړوند له کلالګو ساحې څخه کار پیل کړ چې د دغه ولایت د متاخان ولسوالۍ او د غزني ده یک ترمنځ سرحد دی.
هیئت د دواړو ولایتونو په بېلابېلو کلیو کې سرحدي کرښې تعیین کړې چې دواړو ولایتونو ترمنځ وروستۍ سرحدي کرښه د سردي بند په ساحه کې ده.
هیئت د قومونو ترمنځ د شخړې لاندې ساحې وموندلې. د دواړو ولایتونو ترمنځ وروستۍ حد فاصل خربین کلي سبحان هدیره وه چې دواړو لورو ترمنځ هیڅ راز شخړه نه وه.
د غزني ګیرو ولسوالۍ په دیسي کلي کې ځینې ځمکې د یاد کلي او د میست د قومونو ترمنځ پرې شخړه ده او هیئت له دواړو لورو څخه سندونه وغوښتل.
